شمس غابت

( شمس غابت )
اول ما شفتك .. حلمت ان بينا حكايه

وبدأت اسرح كأن قلبك خلاص معايا

اتمنى قلبي لو نكمل للنهايه

بس الطريق لحد عندك طويل بعيد

محتاجه مني اني اكون انسان جديد

محتاجه مني انسى عمر عشت فيه

محتاجه مني انسى ماضي مش ناسيه

محتاجه مني ابقى حد مش لاقيه

محتاجه مني .. اني ابدأ من جديد

اول ما شفتك .. سرحت فيكي كأني اول مره اشوفك

فكرت اقرب منك .. منعني كسوفك

كأنك ارض واسعه مش عارف حدودك

عجبني فيكي برأتك .. عجبني سكوتك
كأنك نجم عالي وسط السما كاين

من كتر نوره خللى .. القمر مش باين

كأنك بحر صافي .. كأنه نور صباح

وازاي اعدي البحر .. انا اصلي مش ملاح

اميره في قصر عالي

قصر مليان جواري

محتاجه مني اكمل

محتاجه مني احارب

في حد بيحارب وهو معوش سلاح ؟

يمكن في دنيا تانيه كنت اقدر اوصلك

لكن في الدنيا دي .. البعد احسنلك

كأنك شمس غابت

بعديها ليل طويل

وانا طير على الشجره

هينام تعيس حزين

بيحلم بيوم .. الشمس ترجع فيه

ويرفرف بجناحه .. ويحقق امانيه